ரெய்கி வகுப்பு
ரெய்கி வகுப்பு
ரெய்கி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ரெய்கி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஹோலிஸ்டிக் ரெய்கியினால் அடையக் கூடிய நன்மைகள்

முறையாக ரெய்கி தீட்சைப் பெற்று, ரெய்கியை பயிற்சி செய்யும்போது தனி நபர் வாழ்க்கையில் அடையக் கூடிய நன்மைகள்.

1. மனம் எப்போதும் அமைதியாகவும், சாந்தமாகவும் இருக்கும்.

2. புத்திக்கூர்மை அதிகரிக்கும். எந்த விசயத்தையும் எளிதாகப் புரிந்துக் கொள்ள முடியும்.

3. ஆரோக்கியம் பாதுகாக்கப்படும். தற்போது நோய்கள் கண்டவராக இருந்தால் அவர்களின் நோய்கள் குணமாகி ஆரோக்கியம் மேம்படும்.

4. செல்வம் சேர்ப்பது எளிதாக இருக்கும்.

5. குடும்பத்தாரிடமும், சமுதாயத்திடமும் அவரின் மரியாதையும் செல்வாக்கும் அதிகரிக்கும்.

6. முகம் வெளிச்சமாகவும், பிரகாசமாகவும் இருக்கும்.

7. ஆண்மை, பெண்மை ஆற்றல் அதிகரிக்கும். இல்லற வாழ்க்கையில் திருப்தி கிடைக்கும்.

8. பிரபஞ்சத்திடம் இருந்து வழிகாட்டுதல்கள் கிடைக்கும்.

9. உடல் மற்றும் மனதின் ஆரோக்கியம் மேம்படும்.

10. ஆரா தெளிவாகவும், சுத்தமாகவும் இருக்கும்.

11. தீய சக்திகளும், செய்வினைகளும் எளிதில் நெருங்க முடியாது.

12. அவர்களை சுற்றியிருக்கும் எதிர்மறை ஆற்றல்கள் தூய்மையாகிவிடும்.

13. ஆரோக்கியம் குறைவாக இருந்தால், விரைவாக குணமடைவார்கள்.

14. உடல் பலமாகவும் வீரியமாகவும் இருக்கும்.


முறையாக ரெய்கி தீட்சைப் பெற்று, ரெய்கியை பயிற்சி செய்யும்போது குடும்பம், உறவுகள் மற்றும் சமுதாயத்தில் உண்டாகும் மாற்றங்கள்.

1. இந்த பூமியில் அவர்கள் செய்ய வேண்டியக் கடமைகள் எளிதில் புரிந்துவிடும்.

2. கணவன் மனைவிக்கிடையில் அன்பும், புரிதலும் அதிகரிக்கும்.

3. குடும்பத்தினர்கள் மத்தியில் அன்பும், உறவும் அதிகரிக்கும்.

4. பிள்ளைகள் உடனான உறவின் நெருக்கம் அதிகரிக்கும்.

5. நண்பர்களுக்கிடையில் மரியாதை கிடைக்கும், முக்கியத்துவம் வழங்கப்படும்.

6. வாடிக்கையாளர்கள் இவர்களுடன் விருப்பத்துடனும் நம்பிக்கையுடனும் வியாபாரம் செய்வார்கள்.

7. சமுதாயத்தில் மதிக்கப்படுவார்கள், முக்கியத்துவம் வழங்கப்படும்.

8. விலங்குகளுடனும், தாவரங்களுடனும் நெருக்கம் உண்டாகும்.

9. இந்த பூமியில் நடந்துக் கொண்டிருக்கும் விசயங்களும், நடக்கப்போகும் விசயங்களும் இவர்களுக்கு மறைமுகமாக உணர்த்தப்படும்.


ரெய்கியில் முழுமையான பயன்களைப் பெற

ரெய்கியில் முழுமையான பயன்களைப் பெற மாணவர்களும் மாஸ்டர்களும் சில பயிற்சிகளை மேற்கொள்ள வேண்டும். தினமும் தியானம் செய்ய வேண்டும். மூச்சு பயிற்சிகளை செய்ய வேண்டும். இயற்கையோடு இணைந்து உறவாட வேண்டும். தெரிந்த ஆன்மீக பயிற்சிகளை மேற்கொள்ள வேண்டும். தொழுகை, வழிபாடுகள், பிரார்த்தனைகள் போன்றவற்றில் ஈடுபட வேண்டும். மனதில் தோன்றும் எண்ணங்களை கவனிக்க வேண்டும். உடல், மனம், ஆரா, சக்ரா மற்றும் மனதில் உண்டாகும் மாற்றங்களை உன்னிப்பாக கவனிக்க வேண்டும்.

தியானம், மூச்சு பயிற்சிகள், தொழுகை, வழிபாடுகள், பிரார்த்தனைகள், உச்சாடனைகள் போன்றவை மனதை ஒருநிலைப் படுத்தவும், உடலின் ஆற்றல், ஆரா, சக்ரா, மற்றும் குண்டலினி சீராக செயல்படவும் உதவும். 

ரெய்கியை தவறாக பயன்படுத்தாதீர்கள்

 சில மனிதர்கள் ரெய்கி ஆற்றலை தவறான காரியங்களுக்கு பயன்படுத்த முயற்சி செய்வார்கள். பெண்களை கவர்வது, மக்களை ஏமாற்றுவது, செய்வினை செய்வது, பழிவாங்குவது, மனிதர்களை மயக்குவது, பேய் பிசாசு போன்றவற்றுடன் உறவாடுவது, மற்றும் மற்ற தவறான ஆசைகளை நிறைவேற்றிக் கொள்ள இந்த ஆற்றலை பயன்படுத்த முயல்வார்கள்.

ஒருவர் இந்த ஆற்றலை தவறான காரியங்களுக்குப்  பயன்படுத்த முயற்சி செய்தால், அவரின் ரெய்கி ஆற்றல் குறைய தொடங்கிவிடும், பலகீனமாகும். ஒருவர் இந்த ஆற்றலை நன்மையான காரியங்களுக்கும் மற்றவர்களுக்கு உதவுவதற்கும் பயன்படுத்துவாரே ஆனால், அவரின் ஆற்றல் மேலும் வலிமையைப் பெரும். விரைவாகவும் சிறப்பாகவும் இலகுவாகவும் செயல்படும். இவர் நினைத்த மாத்திரமே இவர் நினைத்த விசயங்கள் நடக்க தொடங்கிவிடும். இது இயற்கையின் விதியாகும். 

ரெய்கி கலை- ஒரு அறிமுகம்

(Reiki) ரெய்கி எனும் ஆன்மீகப் பயிற்சி ஜப்பானில் 1822ஆம் ஆண்டு டாக்டர் மிக்காவோ உசுயி  (Mikao Usui) என்பவரால் அறிமுகப்படுத்தப்பட்டது. “ரெய்” என்றால் "பிரபஞ்சம்" என்று பொருள். “கி” என்றால் "ஆற்றல்" அல்லது "சக்தி" என்று பொருள். ரெய்கி என்றால் "பிரபஞ்ச ஆற்றல்" அல்லது "பிரபஞ்ச சக்தி" என்று பொருள் கொள்ளலாம். பிரபஞ்ச ஆற்றலை பயன்படுத்தி மனிதர்களின் தேவைகளை நிறைவேற்றிக் கொள்வதும், நோய்களை குணப்படுத்திக் கொள்வதும் தான் ரெய்கியின் நோக்கமாகும்.

மிக்காவோ உசுயி அவர்கள் ரெய்கி பயிற்சியின் மூலமாக மனிதர்களின் வாழ்க்கையை மேம்படுத்தவும், தேவைகளை பூர்த்தி செய்து கொள்ளவும், நோய்களை குணப்படுத்திக் கொள்ளவும், தேவையான வழிமுறைகளை வகுத்துத் தந்தார்கள். அவருக்குப்பின் இந்தக் கலை ஜப்பானிலிருந்து அமெரிக்காவுக்குப் பரவி, அமெரிக்காவிலிருந்து உலகம் முழுவதும் பரவியது.

இந்த பிரபஞ்சமே மனிதர்களுக்காகத்தான் படைக்கப்பட்டிருக்கிறது. அதனால் மனிதர்களின் வாழ்க்கைக்கு தேவையான அனைத்து விஷயங்களையும் பிரபஞ்சத்தில் இருந்து பெற்றுக் கொள்ளலாம். இந்த உலகம் முழுவதும் பிரபஞ்சத்தின் ஆற்றல் பரவி இருப்பதால் அந்த ஆற்றலை முறையாகப் பயன்படுத்தும் போது மனிதர்கள் தங்களின் தேவைகளை எளிதாக பூர்த்தி செய்து கொள்ளலாம்.

மனிதர்களின் உடலையும், மனதையும் உருவாக்கியது இந்த பிரபஞ்ச ஆற்றல்தான். உருவாக்கியவருக்கு, உருவாகிய பொருள் பழுதானால் சரி செய்யத் தெரியாதா? ரெய்கியின் மூலமாக சிறிய நோய், பெரிய நோய் என்ற பாகுபாடின்றி மனிதர்களின் அனைத்து வகையான நோய்களையும் குணப்படுத்திக் கொள்ளலாம்.

ரெய்கியின் மூலமாக தனக்கும், தன் குடும்பத்தாருக்கும், உற்றார், உறவினர், நண்பர்கள், மற்றும் சக மனிதர்களுக்கும், விலங்குகளுக்கும், தாவரங்களுக்கும், கூட உதவி செய்யலாம். நோய் கண்டிருக்கும் மனிதர்களின் மீது ரெய்கியை செலுத்தும் பொழுது அவர்கள் தங்கள் நோய்களிலிருந்து விடுபட்டு ஆரோக்கியத்தை அடைவார்கள். நோய்க் கண்ட அல்லது விபத்துக்குள்ளான விலங்குகளின் மீது ரெய்கியை செலுத்தும்போது அந்த விலங்குகள் விரைவாக குணமடையும். வாடிக் கிடக்கும் தாவரங்களின் மீது அல்லது காய்க்காத மரங்களின் மீது ரெய்கியை செலுத்தும்போது அவை மீண்டும் செழிப்பாக வளர்ந்து, பூத்து, காய்த்து நிற்கும்.

ரெய்கி என்பது ஒரு புத்திசாலி சக்தியாகும். அதற்கு நாம் என்ன செய்யவேண்டும் என்று கட்டளையிட்டால் போதும் எப்படி செய்யவேண்டும் என்று சொல்லித்தர தேவையில்லை. மின்சாரம் வானொலியில் சேர்ந்தால் ஒலியாக மாறும், தொலைக்காட்சி பெட்டியில் கலந்தால் ஒளியாக மாறும், பல்பில் கலந்தால் வெளிச்சத்தை உண்டாக்கும். மின்சாரத்திற்கு யாரும் எதுவும் சொல்லித்தர தேவையில்லை. இருக்கும் இடத்துக்கு ஏற்ப தன்னை மாற்றிக்கொள்ளும். அதைப்போல் ரெய்கி எந்த இடத்தில் கலந்தாலும் அங்கு இருக்கும் அனைத்து வகையான குறைகளையும் சரிசெய்யக் கூடிய அறிவும் ஆற்றலும் ரெய்கிக்கு உண்டு.

ஒரு இல்லத்தில் அல்லது வியாபார தலத்தில் ரெய்கி சேரும் போது அந்த இடத்தில் இருக்கும் அனைத்து வகையான தீய சக்திகளையும் விரட்டி அங்கே நல்ல சக்திகள் சேர வழி வகுக்கும். ஒரு மனிதனின் உடலில் ரெய்கி சேரும் போது அவன் உடலில் இருக்கும் நோய்களையும் மனதில் இருக்கும் துன்ப துயரங்களையும், அவலங்களையும் குணப்படுத்தி அவனுக்கு வாழ்க்கையில் அனைத்தும் சுலபமாக கிடைக்க வழிவகுக்கும். ரெய்கியை கொண்டு வெகு தொலைவில் உள்ளவர்களுக்கும் நோய்களை குணப்படுத்தலாம், உதவி செய்யலாம்.

ரெய்கியில் நான்கு நிலைகள் உள்ளன. ரெய்கி என்பது ஒரு குருவிடமிருந்து தீட்சை வாங்கி செய்ய வேண்டிய பயிற்சியாகும். முறையாக பயிற்சி பெற்ற, ரெய்கியை தெளிவாக அறிந்த குருவிடம் இருந்து முறையாக தீட்சை வாங்கி பயிற்சியை தொடங்குவது சிறப்பாகும்.

ரெய்கியை பயிற்சி செய்பவர்கள் தன்னம்பிக்கையுடன் இருக்க வேண்டும். இயற்கையையும் பிரபஞ்சத்தையும் நம்ப வேண்டும். எல்லா உயிர்களிடமும் அன்பாக இருக்கவேண்டும். மனிதர்கள், விலங்குகள், தாவரங்கள், இயற்கை என அனைத்துப் படைப்புகளின் மீதும் அன்பும் கருணையும் பொழிய வேண்டும். தனக்குள் இருக்கும் பிரபஞ்சத்தின் பேராற்றல் தான் நீக்கமற அனைத்து உயிர்களின் மீதும் அனைத்து பொருள்களின் மீதும் படர்ந்திருக்கிறது என்ற தெளிவான சிந்தனை இருக்க வேண்டும்.

ரெய்கியை பயிற்சி செய்பவர்கள் தினமும் தியானம் செய்ய வேண்டும். மனதை அமைதியாகவும் அன்பாகவும் வைத்திருக்க வேண்டும். பிரபஞ்சத்துடனும் இயற்கையுடனும் உறவாக தொடர்புடன் இருக்கும்போது அவர்களின் அத்தனை கட்டளைகளையும் ரெய்கி நிறைவேற்றும்.

ரெய்கி கற்றுக்கொள்ள விரும்புபவர்களும், சிகிச்சை, தீட்சை தேவைப்படுவோரும் என்னை தொடர்பு கொள்ளலாம்.

Contact me @WhatsApp:
https://wa.me/60103231755


ரெய்கியின் பலன்கள்


பொருளாதார நிலைமை மேம்பட
ரெய்கியை வாழ்க்கை முறையாக கொண்டவர்கள் தங்களின் பொருளாதார நிலைமை மேம்பட தனியாக எந்த பயிற்சியும் செய்யத் தேவையில்லை. அவர்கள் கேட்கும் பொருளும் அவர்களுக்கு தேவையான செல்வமும் தக்க சமயத்தில் அவர்களை வந்தடையும். ஒரு மனிதனின் மனம், ஆற்றல், சக்ரா, ஆரா அனைத்தும் முறையாக செயல்படும் போது அவரின் பொருளாதாரம் மேம்படும். அவரின் முயற்சிகள் அனைத்தும் வெற்றி பெரும்.

மன அமைதி 
அனைத்து எதிரிகளையும் மன்னித்து விட்டு, மனதில் கோபம், கர்வம், பயம், பொறாமை, போன்ற தீய எண்ணங்கள் இல்லாமல், தூய்மையாக இருந்தாலே மன நிம்மதியும், அமைதியும், மகிழ்ச்சியும் அவரைத் தேடிவரும். மனம் எவ்வளவு அமைதியாகவும், தூய்மையாகவும் இருக்கிறதோ மற்ற மனிதர்களுக்கும், விலங்குகளுக்கும், இயற்கைக்குமான அவரின் நெருக்கமும் அந்த அளவு அதிகரிக்கும்.

"மனதின் சக்திதான் வாழ்க்கையின் ஆதாரம் "- அரிஸ்டாடில்

குடும்ப மற்றும் சமுதாய உறவுகள் 
ஒரு மனிதனின் மனம், ஆற்றல், சக்ரா, ஆரா அனைத்தும் முறையாக செயல்படும் போது அவருக்கும் அவரின் குடும்ப உறுப்பினர்களுக்கும், உறவினர்களுக்கும், மற்றும் சமுதாயத்துக்கும் உள்ள உறவுகள் மேம்படும்.

தேவைகள் நிறைவேற 
ஒரு மனிதனின் மனம், ஆற்றல், சக்ரா, ஆரா அனைத்தும் முறையாக செயல்படும் போது அவரின் தேவைகள், ஆசைகள் அனைத்தும் நிறைவேறும். அவர் மேற்கொள்ளும் முயற்சிகள் நன்மையானதாக இருந்தால் அது அவருக்கு கண்டிப்பாக வெற்றியைக் கொடுக்கும்.

ரெய்கியும் அன்பும் ஒன்றுதான்

ரெய்கியை பயிற்சி செய்யும் நபர்கள் அனைத்து உயிர்களிடமும் அன்பாக இருக்க வேண்டும். ஒரு மனிதனின் மீதோ, விலங்கின் மீதோ, தாவரத்தின் மீதோ, அன்பு செலுத்துவதற்கு எந்த ஒரு காரணமும் தேவையில்லை. நமது இருப்பே அன்பின் வடிவமாக இருக்க வேண்டும். இவர்கள் என் பெற்றோர்கள், இவர்கள் என் சகோதர சகோதரிகள், இவர்கள் என் உறவினர்கள், இவர்கள் என் நண்பர்கள், என்று எந்த ஒரு காரணமும் இன்றி அனைவர் மீதும் அன்பும், கருணையும், பொழிய கூடிய நபராக நாம் இருக்க வேண்டும். ஒரு உயிரினத்தின் மீது அன்பும் கருணையும் செலுத்துவதற்கு, அந்த உயிரினத்தின் உடலில் குடி கொண்டிருக்கும் உயிரே போதுமானதாகும். நம் உடலில் ஓடும் உயிர்தானே அந்த உடலிலும் ஓடுகிறது.

என் பெற்றோர்கள், என் சகோதர சகோதரிகள், என் உறவினர்கள், என் நண்பர்கள், என் மதத்தைச் சார்ந்தவர்கள், என் ஜாதியைச் சார்ந்தவர்கள், என் ஊரைச் சார்ந்தவர்கள் என்ற காரணத்துக்காக அன்பு செலுத்துவது ஒரு சாதாரண விசயம். அந்த அன்புக்கு பின்னால் ஒரு தேவையும், ஒரு பாதுகாப்பு உணர்வும் இருக்கும். அதே நேரத்தில் நமக்கு எந்த கைமாறும் செய்ய முடியாத பலகீனமான மனிதர்களின் மீதும், விலங்குகள், பறவைகள், தாவரங்களின் மீதும் நாம் காட்டும் கருணையும், பரிவும், பாசமும் தான் உண்மையான அன்பின் வடிவமாகும்.

அனைவர் மீதும் அன்பு செலுத்துங்கள் 
1. அனைவர் மீதும் காரணமின்றி அன்பு செலுத்துங்கள்.
2. அனைவருடனும் கருணையுடனும் பரிவுடனும் நடந்துக் கொள்ளுங்கள்.
3. அனைத்து விலங்குகள் மீதும் கருணையுடனும் பரிவுடனும் நடந்துக் கொள்ளுங்கள்.
4. எல்லா தாவரங்களின் மீதும் கருணையுடனும் பரிவுடனும் நடந்துக் கொள்ளுங்கள்.
5. இயற்கையின் மீது கருணையுடனும் பரிவுடனும் நடந்துக் கொள்ளுங்கள்.
6. இறைவன் மீது அன்புடன் இருங்கள்.

இந்த உலகமே அன்பை அடிப்படையாக கொண்டு தான் இயங்கி கொண்டிருக்கிறது. நீங்கள் பிற உயிர்களின் மீது அன்புடனும், கருணையுடனும், இருக்கும் போது. இயற்கையும் இறைவனும் உங்களின் மீது அன்புடனும் கருணையுடனும் இருப்பார்கள். இந்த உலகில் நீங்கள் எதை மற்றவர்களுக்கு கொடுக்கிறீர்களோ அதுதான் உங்களுக்கும் கொடுக்கப்படும். நல்லதோ கெட்டதோ நீங்கள் கொடுக்கும் அத்தனையும் பல மடங்காக உங்களிடம் நிச்சயமாக ஒரு நாள் திரும்ப வரும். 

ரெய்கி என்பது என்ன?



ரெய்கி என்ற சொல்லின் பொருள் 
ரெய்கி என்ற ஜப்பானிய சொல் “ரெய்” மற்றும் “கி” என்ற இரு சொற்களின் கலவையாகும். “ரெய்” என்றால் பிரபஞ்சம் அல்லது புனிதம் என்று பொருளாகும். “கி” என்றால் ஆற்றல் அல்லது சக்தி என்று பொருளாகும். ரெய்கி என்றால் பிரபஞ்ச ஆற்றல், பிரபஞ்ச சக்தி, அல்லது புனிதமான ஆற்றல் என்று பொருள் கொள்ளலாம்.

ரெய்கி என்பது இந்த பிரபஞ்சம் முழுவதும் நீக்கமற நிறைந்திருக்கும் பிரபஞ்சத்தின் பேராற்றலாகும். இந்த ஆற்றலை முறையாக பயன்படுத்தும் பொழுது இந்த உலகில் நமக்கு தேவையான அனைத்தையும் அடைய முடியும்.

ரெய்கி ஆற்றலை புரிந்துகொள்ள மின்சாரத்தை எடுத்துக்காட்டாக பயன்படுத்தலாம். மின்சாரம் என்பது ஒரு பொதுவான ஆற்றல். மின் கம்பிகளின் வாயிலாக வீட்டின் உள்ளே நுழையும் மின்சாரம் எந்தப் பொருளில் சேருகிறதோ அந்த பொருளுக்கு தக்கவாறு தன்னை மாற்றிக் கொள்கிறது. வெளிச்சமாகவும், ஒலியாகவும், ஒளியாகவும், அசைவாகவும், சேரும் இடத்திற்கேற்ப மின்சாரம் பரிமாணத்தை கொள்கிறது. வீட்டில் எத்தனை பொருட்கள் இயங்கினாலும் அத்தனை பொருட்களையும் இயக்கும் அடிப்படை ஆற்றலாக இருப்பது மின்சாரம் தான். எத்தனை நவீனமான விலையுயர்ந்த கருவியாக இருந்தாலும் மின்சாரமின்றி அது இயங்காது அல்லவா?

அதைப் போலவே ரெய்கியும் எங்கு சேருகிறதோ; அந்த நபருக்கும், விலங்குக்கும், தாவரத்துக்கும், பொருளுக்கும், இடத்திற்கும், ஏற்ப தன்னை மாற்றிக் கொள்ளும் ஆற்றலுடையது. சில ரெய்கி மாஸ்டர்கள் ரெய்கியை உடலின் உபாதைகளையும், நோய்களையும், குணப்படுத்த மட்டுமே பயன்படுத்துகிறார்கள். உண்மையில் ரெய்கியை மனித வாழ்க்கையின் அனைத்து சந்தர்ப்பங்களிலும் பயன்படுத்தலாம்.

காற்று எவ்வாறு ஒரு நாட்டுக்கோ, மதத்திற்கோ, இனத்திற்கோ, நம்பிக்கைக்கோ, மொழிக்கோ, சொந்தமானது கிடையாதோ; அதைப் போலவே ரெய்கியும் எந்த ஒரு நாட்டுக்கும், மதத்திற்கும், இனத்திற்கும், நம்பிக்கைக்கும், மொழிக்கும், சொந்தமில்லாதது. ரெய்கி ஒரு சுதந்திரமான பேராற்றலாகும். அதற்கு எந்த எல்லைகளும், எந்த கட்டுப்பாடுகளும் கிடையாது.

உண்மையில் ரெய்கியானது ஆதிகாலம் தொட்டு மனிதர்களால் பரவலாக பயன்படுத்தப்பட்டு தான் வந்திருக்கிறது. இந்த ஆற்றலின் பெயர் மட்டும் ஒவ்வொரு இடத்திலும் மாறுபடுமே ஒழிய அந்த பெயர்கள் உணர்த்தும் அடிப்படை ஆற்றலானது ஒன்றுதான். சரித்திர காலம் முதலாக ஆச்சரியமான பல கதைகளையும், நிகழ்வுகளையும், மனிதர்களையும் பற்றி நாம் கேள்விப்பட்டிருப்போம்.

"அவர் தொட்டால் நோய்கள் குணமாகுமாம், உடலின் குறைபாடுகள் குணமாகுமாம். அவரை சந்தித்தால் துன்பங்கள் தீருமாம்,இவரை சந்தித்தால் பிரச்சினைகள் தீருமாம். அந்த நபரால் தீய ஆற்றல்களை கட்டுப்படுத்த முடியுமாம்", இவ்வாறு பல காலமாக பலரைப் பற்றிய செய்திகளை நாம் கேள்விப்பட்டிருப்போம். பரவலாக இவ்வாறான அதிசய ஆற்றல்களைக் கொண்ட மனிதர்கள் எல்லா இடங்களிலும், எல்லா காலங்களிலும் வாழ்ந்து வந்திருக்கிறார்கள். இன்றும் கூட பரவலாக வாழ்கிறார்கள்.

ஒரு தனி நபர் பலரின் நோய்களை தீர்ப்பதற்கும், துன்பங்களை நீக்குவதற்கும், பிரச்சனைகளுக்கு தீர்வுகளை வழங்குவதற்கும் உதவியாக இருப்பது பிரபஞ்ச ஆற்றல்தான். இந்த ஆற்றலை முறையாக பயன்படுத்த தெரிந்த மனிதர் எல்லா மனிதர்களுக்கும் பயனுள்ளவாறு ஒரு சிறப்பான வாழ்க்கையை வாழலாம். இந்த ஆற்றலை முறையாக பயன்படுத்தும் பொழுது இயலாது, முடியாது, என்று எதுவுமே இருக்காது.


ரெய்கியின் சிறப்புகள் என்ன?

ஒருவர் முறையாக தீட்சைப் பெற்று ரெய்கி பயிற்சி செய்யும்போது. அது அவரின் பிரச்சனைகளில் இருந்து வெளிவர உதவும். அவர் தன் வாழ்க்கையில் முன்னேற உதவும். அவரின் நியாயமான தேவைகளை நிறைவேற்றி வைக்கும்.

ரெய்கியினால் அடையக் கூடிய நன்மைகள் என்ன?

ஒருவர் முறையாக ரெய்கி பயிற்சியினை மேற்கொள்ளும் பொழுது அவர் தனது வாழ்க்கையில் பல மாறுதல்களை காணலாம்.

ரெய்கி பயிற்சியினால் அடையும் நன்மைகள்.

தனி நபர் 

1. மனம் எப்போதும் அமைதியாகவும் சாந்தமாகவும் இருக்கும்.

2. புத்திக்கூர்மை அதிகரிக்கும் எந்த விசயத்தையும் எளிதாக புரிந்து கொள்ள முடியும்.

3. ஆரோக்கியம் பாதுகாக்கப்படும் நோய் கொண்டவராக இருந்தால் நோய்கள் குணமாகி ஆரோக்கியம் மேம்படும்.

4. பணம் சம்பாதிப்பது எளிதாக இருக்கும்.

5. குடும்பத்தாரிடமும் சமுதாயத்திடமும் அவரின் மரியாதையும் செல்வாக்கும் அதிகரிக்கும்.

6. முகம் வெளிச்சமாகவும் பிரகாசமாகவும் இருக்கும்.

7. ஆண்மை பெண்மை ஆற்றல் அதிகரிக்கும். இல்லற வாழ்க்கையில் திருப்தி அடையும்.

8. பிரபஞ்சத்திடம் இருந்து வழிகாட்டுதல்கள் கிடைக்கும்.

9. உடல் மற்றும் மனதின் ஆரோக்கியம்

10. ஆறா தெளிவாகவும் சுத்தமாகவும் இருக்கும்

11. தீய சக்திகளும் செய்வினைகளும் எளிதில் நெருங்க முடியாது.

12. அவர்களை சுற்றியிருக்கும் எதிர்மறை சக்திகள் சுத்தமாகிவிடும்.

13. ஆரோக்கியம் குறைவாக இருந்தால், விரைவாக குணமடைவார்கள்.

14. உடல் பலமாகவும் வீரியமாகவும் இருக்கும்.


குடும்பம் மற்றும் சமுதாய உறவுகள்

1. இந்த பூமியில் அவர்கள் செய்ய வேண்டிய கடமைகள் எளிதில் புரிந்துவிடும்.

2. கணவன் மனைவிக்கிடையில் அன்பும் புரிதலும் அதிகரிக்கும்.

3. குடும்பத்தினர்கள் மத்தியில் அன்பும் உறவும் அதிகரிக்கும்.

4. பிள்ளைகளின் உடனான உறவு அதிகரிக்கும்.

5. நண்பர்களுக்கிடையில் மரியாதை கிடைக்கும் முக்கியத்துவம் வழங்கப்படும்.

6. வாடிக்கையாளர்கள் இவர்களுடன் விருப்பத்துடனும் நம்பிக்கையுடனும் வியாபாரம் செய்வார்கள்.

7. சமுதாயத்தில் மதிக்கப்படுவார்கள் முக்கியத்துவம் வழங்கப்படும்.

8. விலங்குகளும் தாவரங்களும் இவர்களுடன் உறவாடும்.

9. இந்த பூமியில் நடந்துகொண்டிருக்கும் வியங்களும், நடக்கப்போகும் வியங்களும் இவர்களுக்கு மறைமுகமாக உணர்த்தப்படும்.